ரயிலில்...

அசிங்கமாய் தான் பட்டிருக்கும்

அவளுக்கு என் பார்வை

உணர்ந்து பார்த்த என் விழிகளை

உற்று நோக்கி விட்டாள்

பயணம் நீடித்த பல மணி நேரமும்

பார்த்து கொண்டேதானிருந்தேன்

வேறெங்கும் இடமிருந்திருப்பின்

மாறி அமர்ந்திருக்கக் கூடுமவள்

பொறுக்கி என்றவள் நினைத்தது

பொருத்தமாய்த தான் இருந்திருக்கும் அவ்வேளையில்;

இறுதி வரை சொல்லவில்லை

இறந்த என் தங்கையின் பிரதி அவளென்று

செந்தில் கணேஷ் செண்பகமூர்த்தி