மலைமுகடும் சிறுபறவையும்

அதோ அந்த மலைமுகடு
அங்கே சென்றமர்ந்து
சிறகு கோதி
சிலாய்த்திட ஆசை எனக்கு

தூரம் கடப்பதன் அயர்வு
பாரம் சுமந்ததன் பலன்
வருத்தி வளர்ந்த உயரங்கள் எல்லாம்
சுகமாய் தோன்றும் அம்முகடுகளில்

உயரத்தில் இருந்து உலகை காணும்
உணர்வுகள் உதடுகளால் உரைக்கவியலா

சற்றே விலகினாலும்
கணங்கள் தலையிலேறி
விழுந்து சிதற நேரும்
விளிம்புகள் அவை

விலகா பறவைகள்
கால் தடம் பலமுகடுகளில்

ஆசை முகடுகள்
அதோ அதிகமதிகமாய்

முகடு பைத்தியம்
முத்திவிட்டதெனக்கு

இதயம் இயங்கும்வரை
இறக்கைகளில் இலக்கைக் கூட்டி
நகர்ந்து கொண்டிருப்பேன்
முகடுகளை நோக்கி

செ. செந்தில் கணேஷ்